Sant Per de Calanda

De Biquipedia
Ir ta: navego, busca
Este articlo trata sobre Sant Per de Calanda. Pa atros emplegos de lo toponimo Sant Per vaiga a Sant Per (desambigación).
Sant Per de Calanda
Municipio d'Aragón
Samper de Calanda 01.JPG
Anvista de Sant Per dende la carretera.
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Baixo Martín
Superficie 142,8 km²
Población
 • Total

845 hab. (2016)
Altaria 258 m.
Distancia
 • 164 km
 • 78 km

enta Teruel
enta Zaragoza
Codigo postal 44520
Chentilicio Santperín
Patrons Santa Quiteria y Santo Domingo de Guzmán
Ríos Martín
Coordenatas 41°11’20’’N 0°23’16’’U
Sant Per de Calanda en Aragón
Sant Per de Calanda
Sant Per de Calanda
Situación de Sant Per de Calanda en Aragón

Sant Per de Calanda (Samper de Calanda en castellán) ye una villa y municipio de la provincia de Teruel, en la comarca de lo Baixo Martín. Fa parte de lo partiu chudicial d'Alcanyiz.

La suya población ye de 884 habitants (2012) en una superficie de 142,80 km², con una densidat de población de 6,19 hab/km².

Cheografía[editar | editar código]

Sant Per de Calanda ye situau a 258 metros d'altaria dencima de lo libel de la mar, a una distancia de 164 km de Teruel, la capital de la suya provincia, a 78 km de Zaragoza, la capital d'Aragón, y a 2 km de la linia ferria Madrit-Barcelona.

Situada en la marguin dreita de lo río Martín, sobre lo Monte de San Pedro, comprende la entidat poblacional Estación de Samper.

La suya temperatura meya anyal ye 14.5°C y la precipitación anyal de 370 mm.

Mugas[editar | editar código]

La Puebla d'Íxar, Exatiel Casterló Escatrón
Rose des vents2.png Alcanyiz
Íxar

Historia[editar | editar código]

Lo termin municipal de Sant Per de Calanda ye rico en chacimientos arqueolochicos correspondients a la cultura de los campos d'Urnas-primera Edat de Fierro, a la cultura iberica y a lo periodo román.

Las primeras mencions d'un nuclio de población con nombre Sant Per y localizau en l'actual posición se remontan a los tiempos de la Reconquiesta de la val de l'Ebro y lo Baixo Aragón. En lo testamento d'Alifonso II lo Casto, de 1194, bi ha una clausula de donación de Sant Per de Calanda a la Orden de lo Hespital. Dende alavez dica lo sieglo XIX, la comanda de Sant Per, que incluyiba Exatiel, lis perteneixerá. En la Edat Meya Sant Per yera un lugar con población de las tres relichions, (cristiana, musulmana y chodiga), a diferencia d'atros lugars de la redolada que podeban tener una población exclusivament musulmana. En 1392 lo Gran Mayestre Johan Ferrández d'Heredia compra totas las posesions que la casa de Sesé teneba en Sant Per:

...todo por precio de sixanta mil sueldos dineros jaqueses que confesamos haber recibido los vendedores. Feyte fue aquesto en la Ciudad de Zaragoza a vint dias del mes de deciembre, año a nativitate dómine milésimo, tricentesimo nonagésimo segundo, presentes testimonios los Religiosos D.Fr.Domingo Pascual, Dn Fray Mateo Tomás, del mas frailes del dito orden D.Gracía de Tarba Sendero, habitantes de la dita ciudad, con D.Fr, Francés Caman lugar Tenient por el dito señor Maestre de la Capellania de Amposta. Signo de mí Eximeno de Alberuela Notario público de la Ciudad de Zaragoza

Dimpués de la expulsión de los moriscos de 1609, en 1633 la Orden de lo Hespital atorgó Carta de Población con condicions pareixidas las de lo Ducau d'Íxar.

En 1894 encomenzo a funcionar un ferrocarril entre Sant Per y las localidatz de la Pobla d'Íxar y Casp, conseguindo-se en 1941 que lo ferrocarril de la Val de Zafán, plegás a Tortosa.

Luengas y parla[editar | editar código]

Actualment en Sant Per, como en toda la comarca de lo Baixo Martín se charra lo castellán rechional d'Aragón, con substrato lingüistico provinient de l'aragonés que se i charró en la baixa Edat Meya y talment bell sieglo dimpués. Lo lexico aragonés d'intrés etnografico de Sant Per se conoix relativament bien por la obra de lo erudito local Alejandro Abadía París, que incluye descripcions historicas y etnograficas, amás d'una lista de palabras locals.

La parla de Sant Per ye pareixida a la de los lugars de la redolada, con los mesmos aragonesismos chenerals de la Val de l'Ebro y a més con los aragonesismos tipicos conservaus en las comarcas orientals de Teruel y Zaragoza, (chirigallo, gralla, a sobén). Bi ha parabras como orache que no se documentan en totz los lugars de lo Baixo Martín pero sí en la cuenca de lo río Guadalop y aragonesismos curiosos y no documentaus encara en la redolada (desaugue, traste). Alejandro Abadía París atribuye a presencia de muitas parabras con lo diminutivo -eta a la cercanía con Alcanyiz, talment sin saber que este diminutivo yera cheneral en tot Aragón quan se charraba aragonés por tot, y que encara se fa servir en bell lugar de la cuenca de lo Guadalop a més d'Alcanyiz, (Casp, Torrociella d'Alcanyiz, Castelserás, etc...).

Toponimia[editar | editar código]

Lo toponimo Sant Per ye un hachiotoponimo en lo qual s'ha produeito un fenomeno de samprasarana u fonetica sintactica[1] dende Sant Pero.

La forma de Calanda no s'emplega en lo luengache popular. D'acuerdo con Antonio Ubieto Arteta ye Samper dica 1787, Samper de Calanda dende 1797. Manimenos si que veyemos l'apelativo De Calanda en bell texto medieval en latín de la serie relacionada con la Carta Puebla d'Alcanyiz. Tamién ye posible veyer escrito en textos medievals Sant Pere, y no només en textos escritos en catalán, tamién en textos escritos en aragonés.

En La Puebla d'Íxar y Exatiel s'emplega encara un poquet lo chentilicio aragonés pa los de Sant Per, santperín en singular y santperines en plurals (se pronuncian samperín y samperines), coexistindo con samperino y samperinos.

Son toponimos interesants las partidas ditas Los Forcallos, El Saso, La Pila Plana, Val de Castellán, La Melgrangra, Las planas, Filada de Rica, Alamín, La Costanilla, Valimanya, Val de Figuera, Las Corcelladas, Val de Crabón y Filada de l'Estanquero, las balsas ditas balsete de Carabazuelas, Balsete del Sardón, y las fuents como Fuente de Valdellego.

Bi ha carreras con nombre aragonés: calle de las Sargantanas, calle Estrevedes y talment calle Altero.

Apellius[editar | editar código]

Apellius tipicos de Sant Per son Abadía, Bes, Falo, Fandos (variants derivadas de Fanlo), Orcal, Paris, Sevil.

Demografía[editar | editar código]

Evolución demografica
1362 f 1495 f 1842 1857 1860 1877 1887 1897 1900
- - 1.628 2.859 2.601 2.641 2.712 2.659 2.604
1910 1920 1930 1940 1950 1960 1970 1981 1991
2.803 2.895 2.610 2.371 2.380 1.997 1.589 1.401 1.079
1992 1994 1996 1997 1998 1999 2000 2001 2002
- - 1.032 - 1.002 999 988 985 984
2003 2004 2005 2006 2007 2008 2009 2010 2011
982 984 974 1.007 1.003 961 928 925 -
2012 2013 2014 2015 2016 2017 2018 2019 -
- - - - - - - - -
 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | editar código]

Reparto de concellers[editar | editar código]

Eleccions municipals
Partiu 1979 1983 1987 1991 1995 1999 2003 2007 2011
Partido de los Socialistas de Aragón 5
Partido Popular 1
Partido Aragonés 1
Total 7

Alcaldes[editar | editar código]

Lista d'alcaldes
Lechislatura Nombre Partiu politico
19791983 José Antonio Fandos Martín [2] UCD
19831987
19871991
19911995
19951999
19992003
20032007
20072011 Alfonso Manuel Pérez Ornaque Partido de los Socialistas de Aragón
2011–2015 Alfonso Manuel Pérez Ornaque
2015– Alfonso Manuel Pérez Ornaque

Presonalidatz naixidas de Sant Per de Calanda[editar | editar código]

Categoría principal: Naixius de Sant Per de Calanda.

Molimentos[editar | editar código]

Fiestas[editar | editar código]

Cusiosidatz[editar | editar código]

Referencias[editar | editar código]

Bibliografía[editar | editar código]

Se veiga tamién[editar | editar código]

Vinclos externos[editar | editar código]


Municipios d'a comarca Baixo Martín
Albalat de l'Arcebispe | Binazeit | Casterló | Íxar | La Puebla d'Íxar | Sant Per de Calanda | Urreya de Gayén | Exatiel | Zaila