Grillo

De Biquipedia
Ir ta: navego, busca
Iste articlo tracta sobre os grillos en as estructuras de resistencia de qualques plantas. Ta las grillas (insectos) se veiga Gryllidae.
Grillos d'una trunfa.

Un grillo (presumptament, d'o latín <*GALLELLUS[1]) ye una chema que brosta en a superficie exterior d'as estructuras de resistencia de qualques plantas, como tuberclos, radices tuberosas, bulbos y rizomas, a partir de teixius meristematosos de os quals a especie les dota, y que puede desvenir o primordio d'un nuevo piet de a planta, tot reproducindo-la de forma vechetativa.

Os grillos se producen en qualques especies domesticas, como a trunfa, a cebolla u l'allo, quan fa bell tiempo que reposan u son almagazenadas. A l'aparición d'iste tipo d'estructuras se le diz «grillar-se», y se diz que una d'istas hortalicias ye «grillada» quan l'han amaneixiu grillos en a superficie.

En o saber popular, as hortalicias d'ixes tipos que son grilladas se considera que han perdiu qualque cosa de as suyas propiedatz y caracteristicas organolepticas, por o que preferentment se desestiman de consumo y simplament se volan u se destinan ta simient.

Se veiga tamién[editar | editar código]

Referencias[editar | editar código]